أحمد العوضي يطلب من الجمهور الدعاء لياسمين عبد العزيز.. والسبب!

وجه الفنان أحمد العوضي رسالة مؤثرة لزوجته الفنانة ياسمين عبد العزيز بعد دخولها غرفة العمليات خلال الساعات الماضية.

وعبر حسابه على Facebook‎‏، كتب أحمد العوضي “يمكن ببان قدامكم دايما قوي .. لكن الحقيقه انا دلوقتي اضعف انسان علي وجه الارض عشان انا روحي مش معايا … انا ضعيف جدا من غيرك انتي لازم تبقي كويسه ولازم تقومي بالسلامه … انا لاول مره اكتب من غير ما اكون مفكر انا بكتب ايه وهكتب ايه”.

وتابع العوضي “بس انتي هتقومي ان شاء الله باذن الله عشان انتي وعداني وعد وهتتفذيه … انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره … وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك …. قومي عشان انا بحبك… بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا … اكتر بكتير حتي من الموقف اللي احنا فيه دلوقتي .. انا بحبك ..

واختتم “ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم”.

وطلب الفنان أحمد العوضي من جمهوره الدعاء لزوجته الفنانة ياسمين عبد العزيز بعد دخولها غرفة العمليات دون الكشف عن مزيد من التفاصيل.

يشار أن ياسمين عبد العزيز تعرضت لأزمة مؤخرًا عقب نشر اتهامات تخص قيامها بضرب وتعذيب خادمتها وهو الأمر الذي نفاه الفنان أحمد العوضي في منشور له على حسابه بموقع التواصل الاجتماعي فيسبوك.

الجدير بالذكر أن أحمد العوضي شارك في الموسم الرمضاني الماضي مع ياسمين عبد العزيز وخالد الصاوي في مسلسل “اللي مالوش كبير” .

المصدر: وسائل التواصل الاجتماعي